Unha conversa entre Xosé A. Touriñán e o equipo de Fariña cos Doutores en Psicoloxía e expertos en prevención de condutas adictivas Antonio Rial, Manuel Isorna e Patricia Gómez
DIRIXIDO Á MOCIDADE DE 14 A 16 ANOS E ÁS FAMILAS
*AFOROS LIMITADOS
Ao redor de Fariña é unha iniciativa social complementaria á obra teatral. A fracción comunitaria que nos permite afondar, dende o coñecemento, a realidade pasada e presente nun contexto continuo de novas adiccións.
Coa participación de diferentes expertos na materia, as diferentes sesións organizadas pretenden analizar a nosa sociedade actual, contextualizándoa sobre as táboas para, finalmente, reflexionar sobre as conductas adictivas e incidir sobre a importancia da prevención das mesmas.
Unhas xornadas lúdico-educativas dirixidas á mocidade e tamén ás familias, que perseguen ser facilitadoras na discusión interxeracional, asentando ás bases da conversa tanto no contexto inmediato do proxecto como fóra del.
Con este proxecto, en colaboración coa Deputación da Coruña, créanse espazos seguros e dinámicos nos que compartir información de carácter social dunha forma diferente e atractiva. A educación en valores necesaria para evitar o que noutro momento da nosa historia deu nunha auténtica traxedia.
Actor, director e produtor. A súa carreira comeza na Televisión de Galicia no ano 2005 e até hoxe participa nun sinfín de pezas teatrais e audiovisuais, que o levan a ser un dos cómicos máis recoñecidos do país. Na actualidade produce e interpreta Fariña, o espectáculo teatral, un dos maiores éxitos do teatro galego con máis de 50.000 espectadores e máis de 200 funcións.
Doutora en Psicoloxía e investigadora na Universidade de Santiago de Compostela. Forma parte da Unidade de Psicoloxía do Consumidor e Usuario como membro especializada na prevención do uso problemático de Internet e outros riscos da rede entre adolescentes. Na actualidade, exerce tamén como investigadora na Axencia Galega de Coñecemento en Saúde.
Doutor en Psicoloxía e profesor da Universidade de Vigo. Desenvolveu grande parte da súa experiencia profesional no Concello de Catoira, como responsable de prevención de drogodependencias. Exerce tamén como membro organizador no Congreso Internacional sobre o cannabis e os seus derivados e como docente na Academia Galega de Seguridade Pública.
Doutor en Psicoloxía Social e profesor da USC. Autor de máis dun cento de artigos científicos en revistas de impacto internacional e coordinador de diferentes proxectos de investigación do eido da prevención. Director do Estudio sobre o Impacto da Tecnoloxía na Adolescencia, levado a cabo por UNICEF España en 2021 e membro do Alto Comisionado da UNESCO para a loita contra o acoso escolar e o ciberacoso.